കേളകം: ബോധി വൃക്ഷം കേളകത്ത് പൂത്തുലഞ്ഞ് കായ്ഫലം നൽകി തുടങ്ങി. ഈ ബോധി വൃക്ഷത്തിന് നാശത്തിൻ്റെലഹരിയില്ല. പകരം ശുഭ ഭാവിയുടെ ലഹരിയാണ്. ലഹരി വിരുദ്ധ ബോധി വൃക്ഷം ഒരുക്കി കേളകം സെൻ്റ് തോമസ് എച്ച്എച്ച്എസ് ശ്രദ്ധയാകർഷിച്ചു.
ലഹരി വിരുദ്ധ പ്രചാരണത്തിൻ്റെ ഭാഗമായി കേളകം സെന്റ് തോമസ് ഹൈസ്കൂളിലെ വിദ്യാര്ത്ഥികൾ ബോധിവൃക്ഷം-എന്ലൈറ്റെന്മെന്റ് ട്രീ നിർമിച്ചു. സ്കൂളിലെ മുഴുവൻ കുട്ടികളും 'ഞാൻ ഒരു തരത്തിലുമുള്ള ലഹരിയും ഉപയോഗിക്കില്ല' എന്ന് എഴുതി ഒപ്പിട്ട കാര്ഡുകള് തൂക്കിയാണ് ബോധി വൃക്ഷം നിര്മ്മിച്ചത്. റിട്ടേർഡ് പ്രിവന്റ്റ്റീവ് എക്സൈസ് ഓഫിസർ എം.പി.സജീവൻ ഉദ്ഘാടനം ചെയ്തു. ദിയ കൃഷ്ണ ലഹരി വിരുദ്ധ സന്ദേശം നൽകി. എസ്പിസി കെഡറ്റ്സ് ലഹരിക്കെതിരെ ഫ്ലാഷ് മോബ് അവതരിപ്പിച്ചു. അരങ്ങേറി. ബിബിന് ആന്റണി, .പ്രധാന അധ്യാപകൻ എം.വി.മാത്യു, ലഹരിവിരുദ്ധ ക്ലബ് കൺവീനർ ഫാ. എൽദോ ജോൺ പ്രസംഗിച്ചു. സ്കൂളിലെ എസ് പി സി, സ്കൗട്ട് ആൻഡ് ഗൈഡ്സ്, റെഡ് ക്രോസ്, ലിറ്റിൽ കൈറ്റ്സ് എന്നിവ ദിനാചരണ പരിപാടികൾക്ക് നേതൃത്വം നൽകി.
Bodhi tree in Kelakath
